Aansu kuchh keh jaate hain

Aansu kuchh keh jaate hain…………

Jo baatein hum keh nhi paate,

Yeh woh sb baat sunaate hain,

Shayad tum nahi jaante dost,

Aansu bahut kuchh keh jaate hain………..

Khushiyaan jab is nanhe dil ko khul k khush kr jaati hain,

Rom rom khil uthta tan ka, nafz tez ho jaati hain,

Gala sa rundh jaata hai jab, tab yeh saath nibhaate hain,

Shayad—————————

Galti hoti hai jab apni, atm glaani aati hai

Maan toh lete hain galti ko, pr awaaz kahi kho jaati hai,

Us awaaz ko aankho k,  jariye ye lekar aate hain,

Shayad——————————————

Roothe ho gar apno se toh gumsum se ho jaate hain,

Mann bhi krta hai ki bole, pr “main” me hi reh jaate hain,

Par apne jab hain gale lagaate, chori se yeh jhaank jaate hain,

Shayad————————————————

Jab koi dil me rehne waala dur kahi pe hota hai,

Us waqt dimaag ka hr khayal uski yaadon me hi hota hai,

Jb aise dil hai bhaari hota, yeh halka sa kr jaate hain,

Shayad———————————————

Unch neech aati jeewan me tb sab haath jhatakte hain,

Kaun hai apna kaun paraaya isi sawaal pe atakte hain,

Sachhe saathi ki tarah yeh us waqt himmat dilate hain,

Shayad———————————————————

Kitni hi bhaawnaaye yeh aansu khud me piroye hote hain,

Jab jiski jaroorat ho yeh hardam tatpar hote hain,

Hume khushi dene k liye yeh khud kurbaan ho jaate hain,

Shayad————————————-

Sach hi kaha hai kisine ki yeh aansu kya kya seh jaate hain…………………………………