I (Main) ….. a Hindi poem

Is pal ki agar main baat kru toh sirf saath mere “main” hu,
gar baat kal parso ki kru tab bhi us pal me ” main” hu,
Bahut khatarnaak shabd hai yeh “main”
“Main” aa jaaye to raaja ko rank bana deta hai,
or agar yahi “”main” aa jaaye toh luhaar ko sikander banaa deta hai,
“Main” k mahatva ko pehchaano, ise dhaalo nahi,
“Main” agar achha hai to kishti paar laga dega,
or yahi “main”  “sirf main” ban gaya to usi kishti me chhed karaa dega,
Waqt sab benakaab kar deta hai,
“Main” ko “sirf main” se door kr deta hai,
Main yeh nahi kehta ki “main” ko bhool jaao, “main” ko yaad rakho or aage badho,
par itna bhi yaad mat rakho ki sbko bhool jaao,
Aaj agar tum akele ho, toh yeh tumhaari taakat hai,
Aage aane waale samay me baakiyon k liye aafat hai,
Chhod gaye jo tumhe beech safar me, jaane do unhe,
Shukriyaa kro unka, insaan pehchaanne do unhe,
Tum apna lakshya “main” par kendrit kro,
or apne maksd k liye satat prayaas kro,
Aaj waqt lag raha hai toh lag jaane do,
Ghabraa kr paao peeche mat aane do,
Jhonk do apne aap ko jo paana chaahte ho,
Fir hoga wahi jo tum chaahte ho,
Aaj ghane baadal hain kal kuchh or hoga,
Lekin jab mausam badlega tb woh lamha kuchh or hoga…………
[powr-facebook-feed id=46a52599_1455014532425]